Im Januar wors seit longer Zeit ä mol widder sou weit,

In der Vorstandschaft vom TSV solle sich emol widder onnere Gsichter zeich.

Nach 10 longe Joahr hodde die olte Vorständ genuch,

jetzt sän emol widder e boar jüngere am zuch.

Drei Kerle scheine für dan Job wohl nimmer zu reiche,

so muss sich die näüe Führung jetzt scho in doppelter Stärke zeiche.

Sechs Mann höüwe des Ruder üwernumme,

sou viel sän die letzte 30 Joahr grad emol insgsamt zamme kumme.

Der Zeitpunkt zum Eistieg konnt ma wahrscheinlich nid besser wähl,

weil Corona därf ma seit dam Joahr nimmer als Hindernis zähl.

Sou kümmt zu Ostern a gleich der erste Test,

mit Zündsto􀆯 woard du u􀆯 se nämlich scho s größte Fest.

Dam Kassier vom TSV schlaggern beim Gedonge an die Veranstaltung scho die Ohre,

ho􀆯entlich höüwe ma mit de olde Vorständ nid a unnern Erfolg mit dare Fete verlore.

Die näüe Riege plont und tüftelt mit viel Akribie,

doch wos bei so ner Party spöter rau kümmt, des wäs ma vorher nie.

Der Vertroch mit der Musik woar des mol schnall abgschlosse,

scheinbar höüwe s die Pülfringer in Kambe doch a immer genosse.

Etliche Mole hot ma miteinander telefoniert,

un bei jedem Gspräch wurd ma üwer ä immer größere Oloach informiert.

Domit bei der Musich a wärklich olles hihaut,

hot ma wachem U􀆯bau nommol genau nei de Terminkalender gschaut.

Genuch Zeit wölld ma eiploan domit ma ä Stunn vorm U􀆯tritt noch zusomme konn sitz,

um gemütlich zu asse so e klenes Höflder Cordon Bleu mit Pommes Fritz.

S wurde vom TSV olle Vorkehrunge getro􀆯e,

jetzt konnt ma nur noch u􀆯 pünktliches Erscheine von dane DJs ho􀆯e.

Der U􀆯bau woar knackich, olles braucht sei Zeit,

awa zum Schluss woar ma schiert u􀆯 die Minudde soweit.

No ä kurze Dusche, danoch hätte se sich zur Bühne u􀆯 gemocht,

awa dodro hot von dane Musikläüd wohl kener gedocht.

Bis zur Sportheimtür un nid weiter wurde se gelosse,

anscheinend hot die Tür ener von auße abgschlosse.

En Haufe Gäst sän scho in die Holle maschiert,

Am Eintritt wurd scho kräftig abkassiert.

Die Stimmung is super, die Vorfreude is groß,

awa mit der Musik is als no nix los!

A unner näüe Vorstänn sän leicht irritiert,

bis bei dam ene s Handy vibriert.

In äüer Sportheim is bisher no keener eigedrunge,

Awa wenn ihr uns nid naulasst wärd vom Vorstand häüt salwer gsunge.

Schnall sän se gsprunge un höüwe die Tür entriechlt,

un die Jungs von der Musik sän u􀆯 ihr Bühne gestieflt.

Der Kassier hot mit seinen Bedenken recht beholte,

s bleit bei so em Wechsel eben nid olles beim Olde.

Vom Umsatz wor er aber dann doch recht verzückt,

drum hot er bei dam Malheur a gern emol en Ach zugedrückt.

Ihr liewe Vorstänn vom TSV, ich ho􀆯 nächstes Joahr seid ihr dann schlauer,

un ihr guckt bevor ihr enn eisperrt ä wene genauer.

Viel zu däüer is es baue in dane Zeide,

die eh odda onner Baustell lässt sich dabei awa nid vermeide.

Ste für Ste wärd bei soum näüe Häüsle üwernonner gsetzt,

sou wors früher, un meistens is sou a no jetzt.

Die Finanzierung für sou ä Haus, wiecht mittlerweile sou schwer,

drum müsse bei der Baumaterialie a emol onnere Lösunge her.

U􀆯 kreative Lösunge wärd desdawegen jetzt gebaut,

un statt in gemauerte Zimmer, wärds Lawe jetzt in Container verstaut.

Zwä Händ voll von aurangierte Schi􀆯scontainer wurde schnall bestellt,

die sölle gstoblt werde und verbunne, dos des a ä wene zamme hält.

Awa bevor am rechte Platz de erschde Container wärd montiert,

wärd wie bei onnere Häüser a, erst die Bodenplatte betoniert.

Dodefür muss ma den Bauplatz schö aubagger,

und donoch sölld ma den Boude a no ä wene wacker.

Selbst is der Mo, hot er sich glei gedocht,

un hot sich für e boar Doach so en Bagger zu eiche gemocht.

Schnall hot er die erste Kubik Erde u􀆯 Seite gerämmt,

am dritte Doach hot er dann scho mittags vom Feierownd geträmmt.

Pünktlich un zufriede hot er sich dann nach dahäm u􀆯gemacht,

die Wuche hot er ja a ordentlich wos u􀆯 die Kette gebracht.

Vor seirer Abfahrt schaut er no schnall den Hang hinab,

6m geht’s ab der Stroße nunner, oder halt die Höh von 4 VW Up.

Auch die Nachbarn un die Läüt u􀆯 ihrer OKF sän fasziniert,

der Mo hot sich beim growe wärklich gor ned scheniert.

Unnern Bauherr war grod dähäm am Ko􀆯er richte,

un u􀆯 der Baustell wore scho hohe Herrn von der Stadt, um sei Gwerk zu sichte.

Racht schnell gabs a ä Ergebnis von dare Beschau,

wos der do gegrowe hot wusst er wohl doch ned so genau.

Ohne Sicherung wurd do en Steilhang erricht,

ouwedrü fängts scho o, doss n Teil von der Stroße eibricht.

Die Läüd von der Stadt musste schnell handeln, weil s hot bressiert,

am liebste hätten sem links un rechts ene u􀆯 die Backe gschmiert.

Die Stroße wärd gesperrt, un einiche Köpf rauche,

10 Värzichtonner voll Ste wärde se jetzt schnall brauche.

Zur Befestigung wärde die den Hang nunner gschmisse,

sou bilde sich in dare Stroße erschtemol kee näüe Risse.

Die Abrutschgefahr ist erstemol gebannt,

awa wie des do jetzt weiter geht, do säm ma olle emol gsponnt.

Bua, zum Spore Eicheleistung eibring is nie verkehrt,

awa ich gläb in deim Fall wor des Ganze nid viel wert.

Sou könne unner Läüd aus der Blumestroße grod e Lied davo sing,

die wösse vor lauder Kran scho long nimmer, wu se ihr Auto sölle unnerbring.

Wenn du keine Ahnung hast du kleiner Wicht,

dann bagger so viel besser nicht.

Mir höüwes ghört; in der Blumestroße is des Joahr viel geboude,

a die nächste Gschicht spielt von do douwe.

Die nächste Baustell is grad gäicheüwer von unnerer Frau OV,

un wie ihr wösst, kenn i mich do a ä wene au.

S steht scho länger n Kran midde u􀆯 der Gosse,

awa nid dass ihr ment, den höüwe se vergosse.

Jeden Doach rückt die Mannschaft u􀆯 der Baustell oh,

un den Doach üwer hänge die scho viel an ihrn Helfer dro.

Säck un Ste un a onnere Soche,

moche dane sou nid viel zu scho􀆯e.

Ich nemms vorweg, vom Kran wess ich sonst nix zu bericht,

vielleicht ergibt sich do spöter emol ä lusdiche Gschicht.

Jeden Doach fährt die Baustelle Mannschaft also mim Auto her,

un parkt s Vehikel immer düwwe an der Baustell zum Mäüerle quer.

Ich geb zu, ich muss öfter mol nüwwer schau,

weil s is ä schöns Auto, nämlich n Opel Astra in blau.

Un wenn äüch des Auto jetzt vielleicht bekannt vor kummt,

des fährt fei a genauso no ä zwätts Mol in Kambe rum.

Mensch wär des ä Gaudi, wenn die jetzt schiert nawenonner würde steh,

do könnt doch bestimmt a wos schief dabei geh.

Sou is es dann a emol kumme,

un die Gschichte hot ihrn Lauf genumme.

Der e von der Baustell hot sich scho u􀆯 sein Feierowend eigstimmt,

un hot sei siewe Soche gepackt, dos er a jo olles mitnimmt.

Gut gelaunt is er dann losmaschiert,

un hot sei Soche im Ko􀆯erraum vom blaue Astra deponiert.

Dos wos nid bassd, is m do no nid kumme,

Des war erst, als er u􀆯 m Fahrersitz hot Platz genumme.

Mit der Sitzeistellung konnt der nämlich nix ofong,

von ganz hinne konn er halt nid bis vorne ans Lenkrad no long.

Schnall steigt er wieder au un schaut sich um,

die gonze Sache dud m jetzt wärklich komisch vor kumm.

Jetzt is m sein Fahler a endlich u􀆯gfolle,

awa schiert ä wene spöt, weil sei Kolleche loche scho olle.

Mein liewer Fräünd, i höüws notiert,

un ho􀆯 für dich, doss sou ä Verwechslung nimmer bassiert.